Црквите во Охрид преполни со верници

Балканскиот Ерусалим во очекување на големиот верски празник Велигден исполнет со гости. Црквите се преполни со верници како домашни така и од странство кои денеска на Велики петок, најтажниот ден во христијанството, се поклонуваат и поминуваат под плаштеницата која го симболизира Христовиот гроб, оставаат црвени јајца, се молат и палат свеќи за здравје.

Граѓаните ги посетуваат храмовите и се  подготвуваат за свечената трпеза .

Инаку за продолжениот Велигденски празничен викенд најбројни се домашните и гостите од нашето соседство но не изостануваат ни оние од подалечните земји.

Голема посетеност во храмовите се очекува да има и во текот на утрешниот ден кога на полноќ ќе биде објавена радосната вест за Воскресението Христово.