Чествување 1100 години од упокојувањето на Св. Климент Охридски
Македонската академија на науките и уметностите вечер во Центарот за култура „Григор Прличев“ во Охрид организира свечена академија со која ќе одбележи 1100 години од упокојувањето на Св. Климент Охридски.
Свечената академија, насловена „Корените на словенската цивилизација“, требаше да се одржи вчеравечер но беше одложена за денеска поради трагичниот настан предизвикан од невремето во главниот град.
На свеченоста вечер ќе настапи Камерниот хор „Херувими“ од Скопје, кој ќе исполни црковни дела од словенско-византиската традиција.
Во големата сала на Центарот за култура од 13 часот концерт ќе одржи Македонската филхармонија, насловен „Песни од срцата“, кој исто така беше презакажан. Концертот ќе го води диригентот Борјан Цанев, а ќе настапат оперските уметници Ана и Игор Дурловски. „Песни од срцата“ содржи обработки на македонски духовни и народни песни од композиторот Сони Петровски.
Во црквата „Света Софија“ во Охрид, пак, во рамки на чествувањето денеска напладне ќе биде отворена изложба на копии на фрески насловена „Портретите на Свети Климент Охридски во ликовната уметност на Македонија и на соседните земји“.
Во одбележувањето 1100 години од упокојувањето на светителот и еден од петтемина најпознати ученици на сесловенските просветители Кирил и Методиј, се придружува и Факултетот за туризам и угостителство-Охрид кој ќе организира работилница за изработка на мозаици.
Работилницата на која ќе учествуваат студенти од Универзитетот „Св. Климент Охридски“-Битола, ќе ја раководи стручен тим од Институтот за старословенска култура од Прилеп, под менторство на академик Газанфер Бајрам.
Мозаикот посветен на големиот јубилеј ќе биде поставен пред споменикот на патронот, во Ректоратот на Битолскиот универзитет.
Ново на Сител
-
70 телефони конфискувани во еден ден во затворот Шутка
-
Тема на денот со Александар Пандов
-
Возачот што ја прегази Фросина ќе се гони за кривично дело со умисла
-
Возачот што ја прегази Фросина ќе се гони за кривично дело со умисла
-
Филков ја разреши Даниела Алексовска Стојановска од работната група за измените во Кривичниот законик
-
ВМРО–ДПМНЕ и СДСМ продолжуваат со препукувањата за судијката Алексовска Стојановска
-
Собранието со јавна расправа за подобра безбедност во сообраќајот
-
Запленети 1 милион евра во акцијата Вардар, фалсификувани пари пронајдени и во 6 европски држави