Чешка и Полска заплениле помош од Кина за Италија
Чешка и Полска запреле пратка од Кина итно потребна медицинска опрема за Италија, држава која е тешко погодена од Ковид-19 на европско тло, објави италијанскиот весник „Република“.
Еден транспорт на заштитни маски и опрема бил запрен и запленет во Полска, а другиот во Чешка. Во првата испорака од Кина имало 680.000 маски и респиратори, запленети од чешките цариници.
Според Република, чешките медиуми објавиле дека опремата била украдена во Чешка и запленета, а потоа јасно биле прикажани фотографии на кои јасно се гледа италијанско и кинеско знаме.
Конфискуваната опрема веќе е дистрибуирана во чешките болници, тврди весникот.
Преку Твитер, министерот за внатрешни работи Јан Хамачек призна дека очигледно се случила грешка и дека „мал дел“ од испораката е хуманитарна пратка за Италија.
Исто така, министерот за надворешни работи Томас Петричек ја призна грешката и рече дека запленувањето не било намерно и дека се бараат начини за испорака на маските во Италија.
Во Полска, цариниците заплениле и опрема наменета за Италија, во која имало 23.000 маски.
Италијанските власти официјално велат дека станува збор за „сериозен и апсурден случај“.
Ново на Сител
-
Државата им плаќа да студираат на престижни универзитети, ама не го користи нивниот потенцијал
-
ЕУ очекува уставни измени и почитување на Преспанскиот договор од новата Влада
-
Ибраимовски демантира дека им се заканувал по живот на уставните судии
-
Камбовски: Распуштање на Судски не е опција
-
Преглед на вестите од светот
-
На секоја втора фирма во Македонија и се барало мито
-
Граѓаните не се доволно вклучени во процесот на носење одлуки
-
Не запираат дивоградбите во Охрид