Буџетскиот дефицит на Србија изнесува 23,5 милијарди динари во првиот квартал
Дефицитот на буџетот на Србија изнесува 23,5 милијарди динари во првиот квартал од оваа година, соопшти денеска Министерството за финансии. Приходите изнесуваат 317,7 милијарди динари, а расходите 341,2 милијарди динари. Само во март 2021 година беше реализиран дефицит од 31 милијарда динари. Во истиот месец беа собрани приходи во износ од 103,5 милијарди динари, од кои даночните приходи изнесуваат 89,9 милијарди.
На ниво на цела држава – првиот квартал имаше фискален дефицит од 12,7 милијарди динари и примарен фискален суфицит од 35,5 милијарди. Според годишниот план за извршување на буџетот, за тој период е планиран фискален дефицит од 80,9 милијарди динари.
Јавниот долг на Србија на крајот на март годинава изнесуваше 28,1 милијарди евра, што претставува 55,7 проценти од бруто домашниот производ (БДП), соопшти Министерството за финансии.
На крајот на февруари јавниот долг беше 27 милијарди евра или 53,5 проценти од БДП.
На крајот на минатата година, јавниот долг на Србија изнесуваше околу 26,7 милијарди евра или 57,4 проценти од БДП.
Ново на Сител
-
Средба на историчарите од Македонија и Бугарија
-
Тема на денот со Дарко Костадиновски, претседател на Уставен суд
-
Преглед на вестите од светот
-
Утре ќе биде познато колкумина ќе гони Обвинителството за пожарот во Кочани
-
Над 100 од повредените во Кочани ја контактирале Владата – доставиле предлози и барања за нивниот процес на опоравување
-
Нема да има средба Силјановска - Радев во Хаг, но дали претседателката ќе се сретне со бугарскиот премиер
-
Пропадна обидот за воведување една изборна единица
-
Јанев: Коруптивните дејствија во полицијата и институциите ќе се пријавуваат онлајн