Борел: Ќе побарам од лидерите на ЕУ силна поддршка за предлогот за Косово „што е на маса“
Високиот претставник на ЕУ за надворешна политика и безбедност, Жозеп Борел изјави дека на денешниот самит ќе побара од лидерите на ЕУ силна поддршка за предлогот за решение на косовското прашање „што е на маса“.
„Ќе побарам од лидерите силна поддршка за да се избегне каква било ескалација и ќе побарам од нив сериозно да работат на овој предлог, што е единствениот начин да се обидеме да ги решиме и нормализираме односите меѓу Косово и Србија“, изјави Борел пред средбата во Брисел.
Тој рече дека ќе ги извести лидерите на ЕУ за состојбите во дијалогот меѓу Приштина и Белград, последните случувања и последните контакти, пренесе Бета.
„Предлогот е на маса. Ги поканувам двајцата лидери (на Србија и на Косово) повторно да дојдат во Брисел – наскоро, за неколку недели – со цел дефинитивно да го протуркаат тој предлог“, рече Борел.
Оценувајќи дека „се оди од криза во криза“, Жозеп Борел нагласи дека „сега е време за деескалација и конструктивна работа“.
Популарно од Свет
Ново на Сител
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули
-
Германците и турците најбројни туристи
