Бешлиовска: Да се запре одливот на медицински сестри
Македонија се соочува со недостиг од медицински сестри. Во Европа нормите предвидуваат над 600 сестри на 100 илјади граѓани, а во Македонија има 350. Затоа одливот на сестри треба да се спречи преку подобрување на условите за работа и зголемување на платите, порачаа медицинските сестри од денешната Свечена академија што се одржа во Скопје по повод Меѓународната недела на сестринството.
- Нашиот апел од денешната свечена академија е да се запре одливот на медицински сестри. Бројките во Македонија не соодвествуваат со европските стандарди бидејќи има 350 сестри на 100 илјади жители, а во Европа нормите се над 600 медицински сестри на 100 илјади жители. Затоа велиме дека Македонија се соочува со недостиг од сестри, рече Гордана Бешлиовска, координатор на Унијата на здруженија на медицински сестри.
Запирање на одливот, според неа, е можно така што ќе бидат подобрени условите за работата на медицинските сестри, но и зголемени коефициентите за личните доходи.
Вели дека ова треба да се најде и во стратегијата за здравството, со цел да се надмине дефицитот на кадри во здравствените институции.
Исто така, додаде таа, медицинските сестри треба да излезат од анонимноста и непрепознатливоста и да бидат препознаени преку специјализациите што ги имаат во здравствените институции.
Унијата на ЗМСТАЛ предводена од Здружението на медицински сестри, техничари, акушерки и стоматолошки сестри „За нас“ организира настан - свечена академија по повод Интернационалната недела на сестринството.
На свечената академија ќе бидат доделени 30 плакети на медицински сестри, техничари, акушерки и стоматолошки сестри за успешност, хуманост и особен продонес во својата професија за изминатата година
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување