Берзата во Истанбул ги претвори сите парични средства во турски лири
Берзата во Истанбул ги претвори сите парични средства во турски лири, неколку часа откако претседателот Реџеп Таип Ердоган ги повика турските граѓани и институиции да ја поддржат националната валута против доларот, пишува весникот „Хуриет дејли њуз“.
Во писменото обраќање од 2 декември Истанбулската берза посочува дека ќе ги претвори сите парични средства во лири и ќе ги држи сметките во турски лири.
Ердоган вчера ги повика Турците да ги продадат доларите, кои ги имаат и да купуваат злато и турски лири.
Повикот беше упатен во период на континуирано поевтинување на турската лира во однос на доларот.
- Оние кои ги држат девизите под перница, треба да ги претворат во злато. Тие треба да ги сменат парите во лири, изјави Ердоган вчера во Анкара.
По изјавата лирата повторно забележа пад во однос на доларот.
На отворањето трговски центар денеска во Истанбул Ердоган повторно ги повика Турците да ги претворат нивните девизи во злато или во турски лири.
Тој одговори на прашањето и дали луѓето ќе претрпат загуби при размената.
- Видете ова е национално прашање, има корист од тоа, нема да загубите, не стравувајте. Всушност другите странски валути предизвикуваат загуби кај турскиот народ, бидејќи се претставници на империјалистичката логика, рече тој.
Ердоган нагласи дека им предложил на Русија, Кина и Иран да вршат трговска рамзена со Турција во локална валута.
Ново на Сител
-
Родителите на децата Македонци при упис во училиште, не ја почитуваат реонизацијата
-
Филипче ги отфрла обвинувањата за таен план со ДУИ за хаос на изборите
-
Волонтерите од струмичкиот Црвен крст собираат училишен прибор за децата од социјално ранливите семејства
-
Пчеларите бараат повисоки субвенции
-
Прилеп утре повторно ќе добие јавен градски превоз по пауза од 3 дена поради штрајк на вработените во ЈП за ПУП
-
Цените на становите растат побрзо од платите, новите мерки на НБРМ ќе им помогнат на младите
-
Тема на денот со Урлих Цајтел, професор и советник во ЦДУ
-
Гувернерот најави поволни кредити за граѓаните кои прв пат ќе купуваат стан