Берлин загрижен за можната продажба на „Опел“
Германските политичари изразуваат загриженост за можна продажба на автомобилската компанија „Опел“, што сега е во сопственост на „Џенерал Моторс“ (ГМ), на француската групација на „Пежо“ и „Ситроен“ (ПСА).
Како што јави дописникот на МИА од Берлин, на оваа тема денеска разговарала и германската Влада, а наскоро се најавува и разговор меѓу канцеларката Ангела Меркел со менаџментот на ПСА.
Според министерката Андреа Налес, седиштето на „Опел“ мора да остане во градот Розелхајм во Германија, што не е според плановите на француската фирма, затоа што тоа ќе го оневозможи намалување на бројот на административните работници. Од вкупниот број 38 илјади вработени во германската фирма во Германија работат околу половина, односно 19 илјади луѓе.
Вчера германските медиуми објавија дека преставници на „Џенерал Моторс“ разговарале со раководството на ПСА за преземање на „Опел“ од страна на француската мото групација.
Ново на Сител
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема
-
Санкционирани 134 возачи во Скопје
-
Сончево и топло, максималната температура до 38 степени
-
Во Израел денеска е ден на протести, со барање за распишување избори
-
Втор круг од парламентарните избори во Франција, се предвидува релативна победа на десницата