Бентеке на лекарски прегледи

Напаѓачот на Ливерпул Кристијан Бентеке, последниот натпревар од Премиер лигата против Норвич на домашен терен не го доигра поради повреда. Тој на полувремето беше заменет со Дени Ингс (стрелец на голот за Ливерпул) поради повреда на бутниот мускул.

По денешниот детален преглед ќе биде позната тежината на повредата и евентуалното отсуство на Бентеке од теренот. Напаѓачот ќе го пропушти утрешниот натпревар од Лига купот, а веќе во сабота Ливерпул има дуел со поранешниот тим на Бентеке, Астон Вила, најверојатно и на тој натпревар нема да игра.

Како за утеха за тимот на Брендан Роџерс е враќањето на Даниел Стариџ во тимот по повредата.