Белградскиот аеродром отворен за сообраќај
Белградскиот аеродром „Никола Тесла“ денеска околу 11 часот е отворен за сообраќај по неколкучасовен засој до кој дојде откако патнички авион на авикомпанијата „Египет Ер“ без патници слета на аеродромската писта, каде застана поради технички проблеми.
Како што јави Танјуг, станува збор за египетски авион од типот „Боинг 737-800“, кој на белградскиот аеродром слетал во 4.11 часот.
Поради временото затворање на аеродромот, сите авиони на компанијата „Ер Србија“ што претпладнево требаше да слетаат во Белград, беа пренасочени кон аеродромите во Ниш, Темишвар, Софија и Загреб. Од утрово беа одложени и 15-тина полетувања од „Никола Тесла“.
Управата на аеродромот соопшти дека проблемот со египетскиот авион настанал откако му се блокирале сите четири тркала.
Ново на Сител
-
Тема на денот со Елмедин Конаковиќ, Министер за надворешни работи на БиХ
-
Да се симнат табуата и мажите почесто да прават лекарски прегледи
-
До утре комплетен список на министрите на Владата на Мицкоски
-
Тивок бојкот во СДСМ
-
Ќе плаќаме ли поскапа струја од 1 јули?
-
Зголемен обем на работа во ГОБ 8 септември поради хаосот со салите на Клинички, а кадарот масовно си заминува
-
Спасителите на вода неопходност за безбедни капалишта
-
Националната земјоделска мрежа ги утврди производната и откупната цена на пченицата