Баскет: Србија останува на светскиот трон

Баскет екипата на Србија со победа против Холандија во финалето успеа да ја одбрани титулата на шампионатот 3X3 освоена минатата година во Кина и по третпат е светски првак.

Србите славеа со 21-18 и триумфираа на баскет-мундијалот во Нант. Од 4 светски шампионати Србија не успеа до сега да освои само еден. До титулата оваа селекција дојде со победите над Египет, Русија, Андора, Порторико, САД и домаќинот Франција.