Бајрами: АА не е против предвремени избори, но приоритет и е евроинтеграцискиот процес
Алијансата за Албанците (АА) апсолутно не е против предвремени парламентарни избори, но нејзин приоритет е евроинтеграцискиот процес на земјата, изјави денеска партискиот портпарол Наим Бајрами.
– Ние секогаш сме подготвени за такви политички и демократски акти како што се изборите. Меѓутоа, евроинтеграцискиот процес отсекогаш, од самото наше појавување на политичката сцена, бил голем и значителен приоритет, изјави Бајрами на прес-конференција прашан за коментар на ставот на Беса, која поддршката за уставните измени ја услови со одржување на предвремени парламентарни избори.
Лидерот на Беса, Билал Касами во неделата изјави дека партијата ќе ги поддржи измените на Уставот, под услов власта да се согласи на одржување предвремени парламентарни избори следната пролет.
– Ако за власта приоритет е промената на Уставот и внесување на Бугарите како народ во него, тогаш мора да се направи компромис за предвремени избори. Мислам дека ако се има волја за да се решат проблемите во делот на интегрирањето и за слабото менаџирање на институциите, се надевам дека можеме да се договориме и за уставни измени и за избори, рече Касами, најавувајќи дека ако до пролет не се одржат предвремени парламентарни избори, БЕСА ќе ги радикализира чекорите за притисок врз власта преку протести.
Ново на Сител
-
ЈО: Нема наредба за приведување на ниту едно лице за изградба на црква во Гостивар
-
ССКМ: Фер пазарна конкуренција ќе донесе придобивки за сите
-
Лишен од слобода разбојник во струмичко Ново Село
-
Велика Британија денеска привремено пушта на слобода околу 1.750 затвореници
-
Кавадарчанка со тврд предмет ја нападнала мајка си
-
МВР: Краен рок за промена на возачките дозволи со старото уставно име е 31.12.2024
-
ЈО: Психотропни супстанции пронајдени во стан во Скопје, поведена истрага
-
Судскиот совет попладне ќе ја одржи 498 седница