Австралија ја менува банкнотата од пет долари со ликот на покојната кралица Елизабета
Австралија ќе ја замени својата банкнота од пет австралиски долари на која е портрет на кралицата Елизабета Втора со нов дизајн што ќе ја одразува и почитува историјата на домородната култура на континентот, соопшти денеска Националната банка на земјата.
Одлуката уследи по консултациите со федералната влада, која ја поддржува промената, се вели во соопштението.
Додаваат дека од другата страна на банкнотата, како и досега, ќе има слика од парламентот.
Австралиските власти по смртта на Елизабета Втора соопштија дека ликот на кралот Чарлс Трети нема автоматски да го замени ликот на починатата британска кралица на банкнотата од пет долари и оти може да биде заменет со австралиски мотиви.
Банкнотата од пет австралиски долари е единствената банкнота во земјата што го носи ликот на кралицата.
На австралиските монети мора да стои ликот на британскиот монарх, а на новите монети ќе биде ликот на кралот Чарлс Трети.
Ново на Сител
-
Делчево ги санира штетите од вчерашното невреме, граѓаните очекуваат помош од надлежните
-
Бејли: Уставните измени се решение за бугарското вето – гаранции нема
-
Воздухопловниот ВИНГ го прослави 31. роденден
-
Охрид обезбеди пари за експропријација
-
Штип ќе го врати долгот на „Исар“
-
Крводарителска акција на Државниот завод за ревизија
-
Русите се обидоа да извршат атентат врз Зеленски, тврди Некста
-
Ќе има ли договор помеѓу ВМРО-ДПМНЕ и СДСМ за уставни измени?