Спорт плус
6. October 2016 - 18:12

Ари Граса реизбран за претседател на ФИВБ

 Претседателот на Светската одбојкарска федерација (ФИВБ) Ари Граса да Силва Фиљо доби нов мандат и на таа функција ќе остане до 2024 година.
 
Граса доби едногласна поддршка од сите пет континентални конфедерации на 35. Конгрес на ФИВБ во главниот град на Аргентина, Буенос Аирес.
 
Бразилецот беше на чело на ФИВБ четири години откако е поставен 2012 година на Конгрес во Анахајм во Калифорнија, САД.
 
Во 2014 година делегатите на Конгресот донесоа одлука мандатот на претседателот од четири да се продолжи на осум години почнувајќи од 2016 година.