„Антикоцкање“ на стартот на изборната кампања најави блокада на автопатот Тетово-Скопје
Движењето Антикоцкање од Тетово во знак на незадоволство што нема измени во Законот за игри на среќа најави дека ќе го блокира сообраќајот на автопатот Тетово-Скопје. Тоа, според нив, ќе се направи на денот кога ќе почне предизборната кампања.
-Ги информираме граѓаните и граѓанските здруженија дека на денот кога почнува предизборната кампања Движењето ќе го блокира одвивањето на сообраќајот на автопатот кон Скопје, кај патарината кај Желино од 10 часот, истакна на прес-конференција, Џемал Абдиу, претставник на Движењето „Антикоцкање“.
Тие се незадоволни што политичките партии во Собранието не го ставија законот на дневен ред на седница, иако имало комисиска расправа.
-Причината поради која го немаме долгоочекуваниот закон се двете партии СДСМ и ВМРО ДПМНЕ. Рековме дека јавно ќе ги демаскираме сите оние кои што ќе застанат на страна на коцкањето и не го усвоија законот, рече Абдиу, повикувајќи ги партиите во изборната програма приоритет да им биде Законот за игри на среќа.
Главното барање на „Антикоцкање“ е дислокација на објектите каде се приредуваат игрите на среќа.
Ново на Сител
-
Маск: Жалам што некои објави за Трамп отидоа предалеку
-
Министерство за економија: Во првите два дена 1400 пријави до Агенцијата за вработување за мерката самовработување
-
Домовите „Кузман“ и „Стив Наумов“ се очекува да бидат реновирани до крајот на годинава
-
Прв Интернационален Филм Фестивал за Арт Терапија во Скопје
-
Андоновски: Забрануваме 173 нови нелегални приредувачи на онлине игри на среќа
-
Зајакнување на соработката меѓу армиите на Македонија и на Унгарија
-
Јаневска: На 1 септември ќе ги има сите учебници | ВИДЕО
-
„Ниту една казна нема да биде доволно“ - Обвинителството бара доживотен затвор за убијците на Вања и Панче