Анкета: Осумдесет проценти од Украинците се подготвени со оружје да ја бранат татковината

Најновата анкета на украинската агенција Рејтинг покажува дека 80 проценти од Украинците се подготвени со оружје да ја бранат Украина. Тоа е голем пораст во споредба со 2020 година кога 59 отсто од испитаниците одговориле дека се подготвени со оружје да ја бранат татковината.

Највисоко ниво на подготвеност е забележано во западниот и централниот дел на Украина, додека помал е процентот во југоисточните региони.

Резултатите покажуваат дека 90 отсто од мажите и 70 проценти од жените се подготвени да се борат со оружје за Украина.

Анкетата е спроведена на 1 март при што се испитани 1.200 полнолетните жителите на Украина, но не се испитани лицата во окупираните територии на Крим и регионите Доњецк и Луганск.