Активистките за родова еднаквост го почнаа 8-мо мартовскиот марш пред МВР

Со транспаренти „Непостапување е соучество“, „МВР насилниците не ти се на број“, „До кога ќе се објаснуваме дека женското тело не е предмет“ , активистите за родова еднаквост го почнаа 8-мо мартовскиот марш пред Министерството за внатрешни работи. Уште еднаш го потсетија Министерството и Јавното обвинителство дека итно мора да се расчисти случајот „Јавна соба“.

Активистите реагираат и дека институциите недовилно ги штитат лицата кои се жртви на родово базирано насилство. Тие од пред МВР се упатија кон Жена парк, каде повторно ќе имаат говори. Инаку и ланската и последната „Јавна соба“, се уште се заглавени во правосудните лавиринти.