Абади: Ирачките сили го освоија источен Мосул

Ирачкиот премиер Хајдер ал Абади денеска изјави дека источниот дел од Мосул е целосно ослободен по целодневната жестока борба против  исламистичката група Исламска држава, и три месеци по почетокот на офанзивата за ослободување на градот.

- ИД бргу се распадна, а тоа никој не го очекуваше. Храброста на нашите сили стои зад поразот на ИД, изјави Ал Абади. 

Прашан - колку време ќе треба за да се ослободи западниот дел од градот којшто се уште е под окупација на терористите, премиерот само кусо одговорил: „Ние сме способни, и ќе го направиме тоа“.

Во меѓувреме, хуманитарните организации изразија загриженост за 750-те илјади цивили кои се уште се заробени во западен Мосул.