АБА: Сутјеска обвинува за „местенки“

Првиот човек на Јадранската кошаркарска лига (АБА),  Жарко Чабаркапа побара од првиот човек на КК Сутјеска, Дарко Перовиќ да достави докази со кои би ги потврдил своите наводи дека во АБА лигата има наместени мечеви. 

Перовиќ во интервјуто за подгоричкиот весник „Вијести“ обвини дека екипата на Мега Лекс го наместила мечот со Крка минатиот викенд кој словенечкиот тим го доби со 74-57 и изрази сомневање во регуларноста на уште неколку средби, Игокеа - Мега Лекс, Мега Лекс- Олимпија, Металац - Олимпија и други. 

Чабаркапа побара докази од КК Сутјеска  и истакна дека во спротивно раководството на лигата ќе преземе мерки за санкционирање на неговиот испад и заштита на угледот на Јадранската лига но и на споменатите клубови.