Во општина Гази Баба се одржа осмата „Пивтијада“
По повод верскиот празник Богојавление-Водици, денеска на плоштадот во Автокоманда, општина Гази Баба се одржа осмата „Пивтијада“.
На манифестацијата учествуваа жените од урбаните и месните заедници, организацијата на жени на Гази Баба, Здружението на пензионери и неколку ресторани од подрачјето на општината, кои ги подготвуваа пивтиите.
Оваа манифестација има хуманитарен карактер и средствата собрани
од продажбата на пивтиите се наменети за потребите на Клиниката за детски болести во Скопје.
„Пивтијадата“ има и натпреварувачки карактер, а се наградуваа најубаво декорирани пивтии во две категории: аматери и професионалци.
Во категоријата аматери, награди добија Стојна Трајановска, Надежда Кирковска и Катерина Петреска. Во категоријата професионалци наградата ја доби ресторанот „Дојрана“.
Манифестацијата ја отвори градоначалникот на општина Гази Баба Тони Трајковски, а настапија Лајв Бенд, Тања и Владимир, Антониа Гиговска, Кристијан Тасевски и Валентина Димитриевска.
Ново на Сител
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце