Прва седница на Мешовитиот комитет на Македонија и Србија
Во Белград денеска ќе се одржи првата седница на Мешовитиот комитет на Македонија и Србија чија цел е надминување на бариерите и сите отворени прашања за полесен проток на стоки и унапредување на размената.
Комитетот се формира по иницијативата што произлезе од средбата на министрите Љупчо Николовск и Расим Љајиќ во Скопје, на 7 март, кога беше постигнат договор за увозот на српското брашно во земјава.
Македонската делегација во Комитетот ќе ја претставуваат седум членови, претставници од Министерството за земјоделство, Царинската управа, Државниот инспекторат за земјодлство, Агенцијата за храна и ветеринарство, како и стопанственици.
- Од работата на Комитетот очекуваме да бидат укинати поголемиот дел нецарински бариери со што нашите извозници би биле во многу поповолна позиција и поконкурентни на српскиот пазар, вели за МИА Трајан Дикмовски од МЗШВ, кој го предводи македонскиот тим во Комитетот.
На денешниот состанок најпрво ќе се разгледаат заклучоците од средбата Николовски - Љајиќ во Скопје кои се всушност и сонова за работата на Комитетот, а потоа ќе се пристапи кон разгледување на поединечните иницијативи што ќе ги изнесат делегациите.
Ќе се разговара за заемно признавање на фито-сертификатите, како и за целосно укинување на маркичките за брашното што ќе биде можно и прифатливо само ако таквиот предлог е на барање на стопанските комори од двете земји.
Србија ќе бара да се разгледаат „мерките и процедурите кои доведуваат до проблеми при извозот на компир во Македонија“, како и „долгото задржување на пратките на граничниот премин до завршувањето на лабораториските анализи“.
На состанокот на Комиетот треба да стане збор и за ГМО анализите што ги прави Србија на македонскиот ориз, односно ќе се бара нивно укинување.
Првиот состанок на Мешовитиот комитет согласно првичните најави, требаше да се одржи вчера, но беше одложен од српска страна.
Ново на Сител
-
57 вработени на Токсикологија бараат одговорност од организациската директорка Бесија Иљази
-
Импровизираниот луна парк се уште не се демонтира - На потег УЈП и ДПИ
-
Судот му го одзема пасошот на обвинителот Иџет Мемети, тој негира дека е вмешан во случајот со мито
-
ДКСК бара одговорност од Габер, директорката на АСЈО тврди по одлуката на судот запрен е процесот на тестирање
-
Во ОКТА отворен центар за обука од областа на противпожарната заштита
-
Преглед на вестите од светот
-
Силјановска на средба со папата во Ватикан
-
Судот му го одзема пасошот на Мемети