По две недели, трагедијата во Кочани во центар на вниманието на пратениците

Ужасната трагедија од Кочани во центар на собраниските активности денеска откако пратениците заеднички договорија две недели да не одржуваат седници повикувајќи се токму на несреќата. Пленарната седница денеска почна со едноминутно молчење во знак на почит на 59-те жртви од пожарот во кочанската дискотека. 

Првата точка од новозакажаната седница пак, беа законските измени за забрана на пиротихника во затвотрен простор и построги казни за пропуштање на малотеници во угостителски објекти после полноќ. Иако се предлог на власта, поддршка најави и опозициската СДСМ која вели ќе има амандмани со уште построги казни.

Казната за користење на огномет, факел или друг вид на пиротехника, ќе се движи за 200 до 250 евра за тој што ќе ги користи, па се од илјада до 10 илјади евра за фирмата. За затекнат малолетник во ноќен локал по полноќ казните се движат од 500 до 5.000 евра за угостителот зависно од големината.

Трагедијата во Кочани беше дел и од политичките шораки и надвор од собраниската сала. Лидерот на СДСМ Венко Филипче, ни потврди дека утре ќе го објави планот за лидерската средба во парламентот со Мицкоски токму на оваа тема.

Опозицијата се уште стои и на ставот дека по официјаланта истрагата, во Собранието треба да се формира и анкетна комисија за одговорност за пожарот во дискотектата Пулс со цел да се избегне селективна правда. За СДСМ првично прифатливо е надлежноста на оваа комисија да ги опфати и предметите за пожарот во модуларната болница во Тетово, но и несреќата со автобуост на Дурмо Турс, како што побараа од ВМРО-ДПМНЕ.