Ирачките сили невлегоа во центарот на градот Хит, кој е под контрола на ИД

Елитните ирачки единици за борба против тероризмот соопштија дека навлегле во центарот на стратешкиот град Хит во западен Ирак, кој е под контрола на Исламска држава. 

Операцијата за преземање на контролата врз ова мало населено место на брегот на реката Еуфрат, која почна минатиот месец, беше стопирана од политички причини, жестокиот отпор, кој го пружаше ИД и десетиците илјади граѓани, кои беа блокирани таму.

Ирачките единици влегоа во Хит во понеделникот поддржани од жестоките воздушни напади. Меѓународната коалиција, предводена од САД, по обновувањето на операцијата минатата недела изврши над 18 воздушни напади во градот.

Хит се наоѓа на главниот коридор за снадување на ИД, кој ги поврзува териториите под контрола на ектремистичката групација во Ирак и Сирија. Преку него ИД пренесува борци и оружје од Сирија кон Ирак.