Рибарски мрежи извадени од Охридското езеро

172 рибарски мрежи само на македонска страна извадени од водите на Охридското езеро. И понатаму доминираат напуштените мрежи духови за лов на пастрмка и белвица но тие се закана за целиот жив свет.

Оваа година, се извадени речиси 11 километри во вкупна должина , а во 2017 година повеќе од 12 километри мрежи.

Станува збор за континуиран проблем на кој се работи долги години но никако да се реши.

Нуркачите посочуваат  дека вадењето на овие мрежи е тешко бидејќи најчесто се заплеткани околу карпите на скоро сите длабочини .

Со четвртата акција за отстранување на напуштените  таканаречени „мрежи духови“ годинава беше опфатено и Преспанското Езеро, но поради заматеноста на водата таму биле извадени само две мрежи.