Почина велосипедист по удар од автобус

67-годишен велосипедист почина откако вчера бил удрен од автобус во скопски Илинден.

Како што информираат од СВР Скопје, вчера во 18.00 часот било пријавено дека на автопатот Кумановo-Скопје, под клучка „Илинден“, автобус „неоплан“ со скопски регистарски ознаки, управуван од В.Д.(63) од Скопје, удрил во велосипед управуван од Т.Н.(67) од Скопје.

Во несреќата со тешки телесни повреди се здобил велосипедистот, кој бил пренесен во Комплексот клиники „Мајка Тереза“ за укажување лекарска помош, каде што денеска починал.

Извршен бил увид од увидна екипа од СВР Скопје.