Над 60 проценти од граѓаните користат интернет речиси секој ден
Над 70 проценти од домаќинствата имале пристап на интернет од дома, а над 60 проценти од населението користеле интернет речиси секој ден, покажуваат податоците што денеска ги објави Државниот завод за статистика за првото тримесечје од годинава.
Според објавените податоци, 73,6 проценти од домаќинствата имале пристап на интернет, а речиси сите, односно 91,2 проценти од домаќинствата имале широкопојасно (фиксно и мобилно) поврзување на интернет.
Од вкупното население на возраст од 15 до 74 години, интернет користеле 74,5 проценти, а 61,9 проценти користеле интернет секој ден или речиси секој ден.
Паметните телефони биле најкористени средства за пристап на интернет, а нив најмногу ги употребувале младите на возраст од 15 до 24 години.
Од лицата кои користеле интернет 24,8 проценти купиле стоки или услуги преку интернет во последните 12 месеци, а најмногу односно 64,1 процент од нив купувале облека или спортска опрема.
Трендот на се поголем број на корисници на интернет услугите се потврдува и со податоците од анкетата што ја спроведе Агенцијата за електронски комуникации во периодот од 19 до 29 мај.
Според резултатите од анкетата, пристап до интернет имаат 80,4 проценти од домаќинствата, а бројот на корисници на интернет е 74,4 проценти и бележи тренд на постојан раст.
Еден од поинтересните податоци е оној дека 43 проценти од испитаниците дневно во просек се задржуваат меѓу три до пет часа на интернет.
Анкетата покажува дека постои разлика меѓу користењето на интернет во урбаните и селските средини, односно 78,8 проценти корисници на интернет има во урбаните средини, а 66,8 проценти во руралните средини.
Во последните 12 месеци, само 3,3 проценти од корисниците на интернет промениле оператор.
Ново на Сител
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ