На Криволак уништени 600 неексплодирани гранати
Околу 600 парчиња неексплодирани убојни средства беа уништени на Криволак, во организација на Дирекцијата за заштита и спасување, со логистика на министерствата за одбрана, внатрешни работи и здравство.
Директорот на Дирекцијата, Аднан Џаферовски за МИА изјави дека ова треба да се случува секоја година во некој период, откако ќе се соберат одреден број вакви парчиња од повеќе локации на државата.
- Се работи за неексплодирани убојни средства од различен калибар, собрани од територијата на целата држава. Потекнуваат од Првата и Втората светска војна. Ги има насекаде, но најмногу во Охридско Езеро, делот кај регионот кај Дојран и Демир Капија, информираше тој.
Нагласи дека има совесни граѓани кои ги пријавуваат овие случаи, но за жал има и такви кои не обрнуваат големо внимание на тоа и на свој ризик преземаат мерки кои се недозволиви.
- Секогаш апелираме кога ќе се наиде на сомнителна ситуација или вакво парче, задолжително да пријават во најблиската полициска станица, додаде Џафероски.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд