Кривична пријава за струмичанец за лажно претставување
Секторот за внатрешни работи Струмица до Основното јавно обвинителство Струмица, поднесе кривична пријава против С.М (35) од Струмица, поради постоење на основано сомневање дека пријавениот сторил кривично дело „Лажно претставување“, соопштија денес од струмичката полиција.
Имено, пријавениот со намера да се стекне со противправна имотна корист се претставувал како претставник на правно лице специјализирано за вршење на стручни работи за безбедност и здравје при работа. Исто така тврдел дека има решение и овластувања од Министерството за труд и социјална политика.
Во неколку компании осомничениот извршил стручни дејствија кои се состоеле од изработување и спроведување обуки за вработените за безбедно извршување на работата, вршење на проценки за ризик и микроклиматски мерења, како и разни мерења на физички штетности (ниво на топлина, бучава и осветленост).
- Овие дејствија пријавениот не смеел и не можел да ги извршува бидејќи истиот немал соодветно образование и немал никакви овластувања и сертификати за вршење на таквите работи од Министерството за труд и социјална политика согласно одредбите на Законот за безбедност и здравје при работа, информираат од СВР Струмица.
На тој начин пријавениот доведувајќи ги во заблуда, нанел директна финансиска штета на лиценцираните компании на подрачјето на Струмица.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска