Грчката влада планира да изгради 20 нови центри за бегалци и мигранти во осум периферии
Станува збор за центри кои ќе функционираат на поразличен начин од веќе постоечките, ќе бидат за лицата кои имаат право на азил и ќе ја имаат карактеристиката на т.н. „контролирани“ објекти, јави дописничката на МИА од Атина.
Весникот пишува дека на влезот на центрите ќе бидат поставени електронски рампи, а секој од бегалците ќе има електронска карта со посебен баркод за влез и излез од објектот, со цел да се избегне актуелната ситуација во која нема контрола кој влегува и излегува од камповите.
Пелопонез, Крит, централна и северна Грција, Епир се регионите што веројатно ќе се изградат новите центри.
Според грчкиот весник, конкретниот план на владата ќе се разгледа на утрешниот состанок на министерот за миграција и азил Нотис Митарас, заменикот министер за одбрана и национален координатор за бегалското прашање, Алкивиадис Стефанис и министерот за внатрешни работи Такис Теодорикакос, а целта е конечните одлуки за 20те нови центри да се донесат најдоцна до крајот на месецов.
Грчката влада, веќе најави дека на островите, сегашните кампови ќе се затворат, а ќе изградат нови затворени центри.
Ново на Сител
-
ДИК ги објави првичните резултати за изборите за претседател и за парламентарните избори
-
Се вратија старите цени на полисите за осигурување
-
Тема на денот со Joван Деспотовски, СДСМ
-
ДИК ќе ги соопшти првичните официјални резултати од претседателските и парламентарните избори
-
Први реакции од Бугарија и Грција по победата на ВМРО-ДПМНЕ и Гордана Силјановска Давкова
-
Скромно одбележување на Денот на Европа во неискосениот владин двор
-
Избори 2024: Обработени 100% од гласовите
-
Прелиминарен извештај на ОБСЕ и ОДИХР