Биткоини вредни 140 милијарди долари „загубени“ поради заборавени лозинки
Крис и Чарли Брукс се татко и син кои им помагаат на сопственици на биткоини да си ги добијат своите средства ако ги заборавиле лозинките. Очигледно тоа често се случува.
Според извештај од „Њујорк тајмс“, биткоини во вредност од 140 милијарди долари се „заробени“ бидејќи нивните сопственици ги заборавиле лозинките. Друг извештај од фирмата за податоци „Чејнанализис“ покажува дека околу 20 отсто од сите 18,6 милиони биткоини што се ископани досега се „загубени“ во сметки во кои немало никаква промена со години.
Еден Британец побарал дозвола од локалниот совет да пребара земјиште на кое мисли дека по грешка фрлил хард-диск во кој има 7,500 биткоини. Овие биткоини денес би вределе над 280 милиони долари.
Брукс откриваат дека овие „загубени“ средства не се целосно изгубени бидејќи досега им помогнале на некои сопственици да си ги вратат средствата. Според нив, околу 2,5 отсто од изгубените биткоини може да се вратат. Тоа се биткоини со вредност од околу 3,2 милијарди долари.
Тие откриваат дека хакирањето на биткоин-паричник е полесно отколку што се мисли, но за тоа се потребни време и знаење. Пред секоја работа, двајцата разговараат со сопствениците на биткоини за да разберат каква лозинка бараат. Успешно влегуваат во затворените профили на сопствениците во околу 27 отсто од обидите.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување