ЖРК Вардар со нова победа во регионалната лига

Ракометарките на Вардар ја постигнаа и четвртата победа сезонава во регионалната лига. Тие попладнево во Љубљана на вториот турнир минимално со 21:20 (9:9) ја совладаа екипата на Будуќност. Вчера Вардар славеше победа и на Крим (32:29).

Двете екипи во текот на целиот натпревар се менуваа во водство, а противникот имаше предност од 18:15. „Вардарки“ и покрај негативата стигнаа до триумф, а во завршницата голови постигнаа Александра Лакрабер и Полина Кузнецова. 

Најефикасна кај Вардар беше Татјана Хмирова со 5 голови, а по 4 постигнаа: Јованка Радичевиќ, Барбара Лазовиќ и Лакрабер.

Европскиот вицепрвак на овој натпревар настапи без Драгана Цвијиќ, Андреа Лекиќ и Андреа Пенезиќ.

„Вардарки“ следниот натпревар од Лигата на шампионите го играат на 4.ноември во сабота во Скопје со Ларвик. 

 

фото: www:zrkvardar.mk