ЖРК Вардар се пласира во финалето

Ракометарките на македонскиот првак ЖРК Вардар изборија пласман во финалето на турнирот на коj се домаќини, откако синоќа и во второто коло постигнаа победа. ЖРК Вардар беше поуспешен од хрватската екипа Подравка со 25:19 (15:9).

 

Најефикасна во редовите на македонскиот тим беше новото засилување Сања Дамњановиќ со седум голови.

 

На вториот натпревар одигран вчера европскиот првак Будуќност ја победи шведската екипа Савехоф со 25:22, но поради поразот во првото коло од четири голови разлика нема шанси за првото место во групата Б, па така во денешниот дуел Савехоф и Ростов Дон ќе решаваат за ривалот на Вардар во финалето.

 

Почетокот на овој дуел е во 18 часот, а од 20 часот се игра натпреварот за второто место во групата А меѓу Лајпциг и Подравка.

 

ЖРК Вардар денеска е слободен, а финалето се игра утре од 20 часот. Претходно се дуелите за петтото и третото место.

 

фото: www.zrkvardar.com.mk