Животот на Марс е можен: Габи преживеале 18 месеци во вселената

По патот долг една и пол година во Меѓнародната вселенска станица, група габи, кои се собрани од Арктикот, покажале дека можат да се адаптираат на условите на Марс.

Повеќе од половина од нивните клетки останале живи за време на изложувањето на марсовските услови, што покажало дека животот на Црвената планета е можен.

Примероците од габите им помогнале на истражувачите да го проценат оптанокот и стабилноста на микроскопските живи форми на оваа планета. Научниците зеле примероци од габите Cryomyces antarcticus и Cryomyces minter од сувиот дел на Арктикот. Овие организми се способни да преживеат сурови услови како мраз, снег и екстремни ветришта. 

Истражувачите ги ставиле во платформата EXPOSE-E, која симулира екстремни вселенски услови, како оние кои се на Марс. Платформата ја развила Европската вселенска агенција, која ја испратила на МВС.

Арктичките габи биле изложени на марсовски услови 18 месеци (95 отсто CО2, 1,6 проценти аргон, 0,05 отсто кислород, 2,7 проценти азот и 370 делови на милион H2О под притисок од илјада Паскали). Некои примероци се изложени и на ултравиолетово зрачење, слично на Марс, кое е поголемо од 200 нанометри, а други примероци се изложени на послабо зрачење.

По 18 месеци е откриено дека голем број клетки преживеале.