Жителите на Њујорк од денеска добиваат 100 долари за прва доза вакцина
Почнувајќи од денеска, секој жител на Њујорк кој ќе прими прва доза вакцина против коронавирус ќе добие подарок од 100 американски долари.
Градоначалникот Бил де Блазио во средата објави нов поттик за вакцинација, што ги стимулира граѓаните да ја примат првата доза од вакцината против Ковид-19.
Поттикот вреден 100 долари важи за сите граѓани и вработени кои сè уште не ја примиле првата доза, јави Си-Ен-Ен.
Секој што не сака пари може да добие друг еден подарок, како што се билети за натпревари на ФК Њујорк сити, билети за Бруклин Сајклонс, пропусница за 10 возења со траектот NYC Ferry и некои други поволности.
Поттикот доаѓа откако Делта варијантата го зголеми бројот на заболени низ целата земја и ги принуди Центрите за превенција и контрола на болести да издадат нови упатства за носење маски.
До денес, Њујорк има дистрибуирано близу 10 милиони дози вакцини, а повеќе од 4,9 милиони жители на Њујорк добиле најмалку една доза, информира Де Блазио.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево