Жител на кавадаречко Возарци возел без возачка, полицијата му го одзела автомобилот

Жител на кавадаречкото село Возарци возел без возачка дозвола, полицијата му го одзела автомобилот, информираа денеска од Секторот за внатрешни работи - Велес.

- Синоќа во 20:45 часот на улица „Страшо Пинџур“ во Кавадарци, полициски службеници од ОВР - Кавадарци лишија од слобода 20-годишник од село Возарци. При контрола на патниот сообраќај, полициските службеници сопреле патничко возило „голф“ со кавадаречки регистарски ознаки, што го управувал тој, при што било констатирано дека возилото го управувал без да поседува возачка дозвола. По насоки на јавен обвинител, тој бил приведен во полициска станица, а возилото одземено. По целосно документирање на случајот, против него ќе биде поднесена соодветна пријава, соопштија од СВР - Велес.

МИА