Женски марш против Трамп ширум светот
Повеќе илјади демонстранти во Австралија и Нов Зеланд се приклучија на Женскиот марш, кој се организира денеска ширум светот во знак на протест поради новиот американски претседател Доналд Трамп.
Во Мелбурн се собраа околу 5.000 жени и мажи, додека во Сиднеј околу 3.000 луѓе во Хајд паркот, од каде ќе заминат кон американскиот Конзулат.
Демонстрантите носат пароли на кои пишува „Се тепам како девојче“ и „Феминизмот е мојот одговор за Трамп“.
Една од организаторките Минди Фрејбанд изјави дека не се протестира лично против Трамп, туку против говорот на омраза, ксенофобијата, а Женскиот марш се организира со цел да се претстави заедничкиот став на сите жени ширум светот.
Претходно околу 2.000 луѓе мирно маршираа во четири градови на Нов Зеланд.
Во текот на денешниот ден се планирани околу 673 маршеви во светот, како и главниот протест во Вашингтон, каде се очекуваат повеќе од два милиона луѓе.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o