Жена и дете загинаа при пожар, повредени се уште две други деца

Возрасна жена и шестгодишно дете загинаа доцна синоќа при пожар во камп за бегалци на грчкиот остров Лезбос во Егејското Море. 

Како што јавија грчките медиуми, при инцидентот потешко се повредени уште две други деца. 

Се смета дека пожарот избувнал во еден од шаторите каде 66-годишната жена се обидела да готви на плинска боца. 

На кампот во близина на градот Морија се нанесени сериозно штети и таму се уште работат противпожарните служби и се врши истрага за причините. 

По инцидентот во кампот дошло до судири меѓу мигрантите и полицијата. Според полициски извор, при тоа се повртедени шест лица. 

Во моментов на островот Лезбос се наоѓаат околу 6.000 мигранти.