Зголемени продажните цени на производителите на индустриски производи
Продажните цени на производителите на индустриски производи во април годинава се повисоки за 0,4 отсто на месечно и за 1,6 проценти на годишно ниво.
Според податоците на Државниот завод за статистика, во споредба со март 2023 година, продажните цени на производителите на индустриски производи се пониски во секторот Рударство и вадење на камен за 1,3 отсто и во секторот Снабдување со електрична енергија, гас, пареа и климатизација за 0,7 проценти, а во секторот Преработувачка индустрија се повисоки за 0,6 отсто.
Во споредба со април 2022 година, продажните цени се пониски во секторот Рударство и вадење на камен за 9,8 отсто, а се повисоки во секторот Преработувачка индустрија за 1,6 и во секторот Снабдување со електрична енергија, гас, пареа и климатизација за 17,1 отсто.
Продажните цени на производителите на индустриски производи на странските пазари, пак, се пониски за 0,1 отсто на месечни и за 1,1 отсто на годишно ниво.
Во споредба со март 2023 година, продажните цени на производителите на индустриски производи на странските пазари се пониски во секторот Рударство и вадење на камен за 1,8 отсто, а во секторот Преработувачка индустрија остануваат непроменети. Во споредба со април 2022 година се пониски во секторот Рударство и вадење на камен за 8,8 отсто, а во секторот Преработувачка индустрија за 0,5 отсто.
Ново на Сител
-
Продолжува амандманската расправа за ребaлансот на Буџетот
-
Трамп: САД ќе испратат контингент ракети „Патриот“ во Украина
-
Макрон пред Денот на Бастилја: Слободата никогаш не била толку загрозена како сега
-
Палмер по триумфот на Челзи на Светското клупско првенство: Сите се сомневаа во нас
-
Сончево и топло, до 39 степени
-
На граничните премини Табановце и Богородица се чека околу 30 минути
-
Голем пожар во Карпош, зафатени повеќе куќи
-
11-годишно дете се бори за живот по тешка сообраќајка на патот Прилеп–Градско