Зголемена опасноста од појава на пожари

Граѓаните да бидат внимателни во овој перод од годината кога температурите се високи и може многу лесно да се предизвика пожар, апелира денеска Просторниот штаб за заштита и спасување на Општина Кичево.

Командантот на Штабот Рамиз Реџепи препорача да не се фрлаат лесно запаливи предмети на отворен простор.

- При евентуален пожар, граѓаните да се обратат на бесплатниот телефон 193 на противпожарната единица за негово побрзо локализирање, рече Реџепи.

Се обрати и командирот Горан Соколовски, истакнувајќи дека бројот на пожарите во споредба со истиот период од предходните години бележи тренд на намалување.

- Тоа не значи дека не треба да бидеме претпазливи во периодот што следува, нагласи Соколовски.

На седницата беа присутни претставници на Центарот за управување со кризи, Дирекцијата за заштита и спасување, МВР, АРМ, Шумската полиција, ЕВН и преседателите на сите месни заедници.