Зголемeна цената на Ел-1 горивото согласно Уредбата за изедначување на акцизата со дизелот
Регулаторната комисија за енергетика и водни (РКЕ) донесе одлука малопродажната цена на Екстра лесното масло за домаќинство (Ел-1) да изнесува 51,5 денари за литар со што изврши усогласување со објавената измена на Уредбата со законска сила за примена на законот за акцизите за време на вонредна состојба во Службен весник број 169 со која акцизата на маслото за греење се изедначува со акцизата на маслото кое се користи како погонско гориво (дизелот).
-Регулаторната комисија за енергетика и водни услуги од самиот почеток од кога се отвори дебатата за акцизите е со јасен недвосмислен став дека е неопходно да се изедначи акцизата на екстра лесното масло за греење, односно така наречената црвена нафта, со дизелот за да се заштити животната средина. Нашите анализи покажуваат дека ова гориво се користи во драстично поголеми количини од реалната потреба што, пак, е показател дека поради пониската цена, горивото иако е со намена да се користи за греење, се злоупотребува и се користи за транспорт, со што се создава нелојална конкуренција а и помалку пари се слеваат во буџетот, изјави претседателот на РКЕ Марко Бислимоски.
Во 2019 година во продажба се евидентирани над 40.000 тони екстра лесно масло за гориво.
Според структурата во потрошувачката на нафтените деривати на домашниот пазар, во 2019 година дизел горивата учествуваат со 68,5 отсто, безоловните бензини се со учество од 11,02 отсто, мазутот е со 7,7 и течниот нафтен гас со 7,8 отсто. Потоа следуваат екстра лесното масло (ЕЛ-1) со 4,73 отсто, биогоривото со 0,19 и млазното гориво со 0,06 отсто.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп