Зголемен водостојот на реките во земјава

Нивоата на реките во земјава во најголем дел се движат над просекот за месец декември или во рамки на просекот.

Нивото на реката Вардар е повисоко од декемврискиот просек на сите четири мерни места, а големо покачување над просекот бележи реката Треска на мерно место кај Македонски Брод, каде се измерени 116 сантиметри, а декемврискиот просек изнесува 40 сантиметри.

Двојно повиско ниво од просечното за овој период од годинава има и кај реката Брегалница на мерно место Штип каде се измерени 191 сантиметар. Трипати поголемо ниво од просекот е регистрирано и кај реката Струмица.

Повисок водостој од декемврискиот е измерен на Дојранското Езеро, понисок кај Преспанското, а Охридското Езеро е во рамки на просекот за декември.