Зголемен бројот на доктори на науки во 2017 година

Во 2017 година звање доктор на науки стекнале 209 лица, што е зголемување за 6.1 проценти во споредба со 2016 година, соопшти  Државниот завод за статистика.

Најголем број од нив докторирале во областа на општествените науки, (47.8%), потоа на медицинските науки (22%), следуваат хуманистичките науки (11.5%), а останатите докторирале во областа на техничко-технолошките науки, природно-математичките и биотехничките науки. 

Докторска дисертација лани одбраниле 123 жени, што е 58.9 отсто од вкупниот број лица што докторирале минатата година.

Од вкупниот број најголем процент (31.6%) професијата ја извршуваат  во образовната дејност.