Зголемен број на повици и интервенции на Итна помош Куманово
– Зголемен број на интервенции бележи кумановската Итна помош, информираа денеска, лекарите од оваа здравствена установа. Топлото време тешко го поднесуваат хронично-болните лица и повозрасните граѓани. Дневно во Итната помош се јавуваат над 130 кумановци. Екипите на здравствената установа пружаат помош и на пациенти при колапси на јавни места и површини, а зголемен е и бројот на интервенции на случени сообраќајни несреќи.
-Дел од пациентите не ги почитуваат препорачаните мерки, не земаат редовно терапија. Им укажуваме дека не смеат да излегуваат од 11 до 17 часот. Зголемен е бројот на интервенции и повици од хронично болните, дијабетичарите, во последен период и интервенираме и на повредени во сообраќајни незгоди, изјави доктор Исмет Ферати, од Итна помош Куманово.
Здравствените работници пропорачуваат хронично болните, повозрасните да ги следат насоките на матичните лекари, пред сè редовно да ја земаат пропишаната терапија.
На временските промени не е имуна ниту работоспособната популација, велат лекарите од кумановската Итна помош. Како превенција препорачуваат доволен внес на течности, свежо цедени сокови и пред сè вода, да консумираат лесна храна, која се базира на овошје и зеленчук, да носат лесна и светла облека, да одбираат места за пешачење со повеќе сенка. Здравата, работоспособната популација, најчесто помош бара поради малаксаност, гадење, пад на крвниот притисок.
Службата апелира и до возачите периодов, кога имаат почести повици, да ја почитуваат обврската за првенство на минување на возилото на итната помош, бидејќи некогаш минути одлучуваат за нечиј живот.
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција