Зголемен број на повици и интервенции на Итна помош Куманово
– Зголемен број на интервенции бележи кумановската Итна помош, информираа денеска, лекарите од оваа здравствена установа. Топлото време тешко го поднесуваат хронично-болните лица и повозрасните граѓани. Дневно во Итната помош се јавуваат над 130 кумановци. Екипите на здравствената установа пружаат помош и на пациенти при колапси на јавни места и површини, а зголемен е и бројот на интервенции на случени сообраќајни несреќи.
-Дел од пациентите не ги почитуваат препорачаните мерки, не земаат редовно терапија. Им укажуваме дека не смеат да излегуваат од 11 до 17 часот. Зголемен е бројот на интервенции и повици од хронично болните, дијабетичарите, во последен период и интервенираме и на повредени во сообраќајни незгоди, изјави доктор Исмет Ферати, од Итна помош Куманово.
Здравствените работници пропорачуваат хронично болните, повозрасните да ги следат насоките на матичните лекари, пред сè редовно да ја земаат пропишаната терапија.
На временските промени не е имуна ниту работоспособната популација, велат лекарите од кумановската Итна помош. Како превенција препорачуваат доволен внес на течности, свежо цедени сокови и пред сè вода, да консумираат лесна храна, која се базира на овошје и зеленчук, да носат лесна и светла облека, да одбираат места за пешачење со повеќе сенка. Здравата, работоспособната популација, најчесто помош бара поради малаксаност, гадење, пад на крвниот притисок.
Службата апелира и до возачите периодов, кога имаат почести повици, да ја почитуваат обврската за првенство на минување на возилото на итната помош, бидејќи некогаш минути одлучуваат за нечиј живот.
Ново на Сител
-
Тема на денот со Андреј Петров
-
Гаши ги распиша изборите, првиот круг локални на 19 октомври
-
Истрага за полицаецот кој без налог сакаше да ја приведе директорката од Демир Хисар
-
Министерот за здравство и ги одзеде ингеренциите на Стоматолошката комора поради сериозни пропусти
-
СДСМ пак предлага минималец од 500 евра, ВМРО-ДПМНЕ чека договор меѓу синдикатите и работодавачите
-
Петрушевски: Каде се СДС сега да го нападнат главниот обвинител Коцевски или да прашаат за некоја истрага?
-
И годинава атракција пловењето по Охридското Езеро
-
Македонија единствена држава на Балканот која нема своја историска база на податоци