Земјотрес во Велика Британија

 Земјотрес со интензитет од 4,4 степени според Рихтеровата скала го погоди денеска југозападниот дел на Велика Британија, соопшти Британскиот институт за геолошки истражување.

Според експертите, ова е најсилен земјотрес регистриран во Велика Британија во последниве неколку децении.

Епицентарот на потресот бил на 20 километри северно од велшкиот град Свонси, а тој се почуствувал во Велс и во југозападните делови на Англија.   

Земјотресот предизвикал паника кај населението, а регистрирани се оштетувања на неколку згради и бил предизвикан времен прекин на снадувањето со електрична енергија.

Жители на реоните во кои е почуствуван потресот во изјави за британските медиуми земјотресот го опишаа како „голема експлозија“.