Зеленски: Постои можност за средба во четири очи во Турција
Украинскиот претседател Володимир Зеленски рече дека постои можност и потреба за средба во четири очи во Турција и дека тоа „не е лошо“.
„Претстои нова рунда преговори, затоа што ние се стремиме кон мир, навистина, без одлагање. Како што ме информираа, постои можност и потреба за средба во четири очи во Турција. Тоа не е лошо. Да го видиме резултатот“, рече тој во видео порака, објавена рано утринава од претседателската канцеларија.
„Нашите приоритети во преговорите се познати. Суверенитетот и територијалниот интегритет на Украина се несомнени“, рече тој.
Зеленски истакна дека „ефективните безбедносни гаранции“ за Украина се „задолжителни“.
„Нашата цел е очигледна – мир и што поскоро враќање на нормалниот живот во нашата земја“, додаде тој.
Зеленски истакна дека санкциите против Русија, „против агресијата“, се потребни се додека руските трупи се на територијата на Украина, јави агенцијата Анадолија.
Следниот состанок на руско-украинските преговарачки тимови ќе се одржи во Истанбул, како што се договорија во недела претседателите на Турција и Русија.
Ново на Сител
-
Гори шума над селото Нивичани, загрозени викенд куќички, интервенираат пожарникари
-
Во прекин сообраќајот на патниот правец Маврово - Дебар поради сообраќајка
-
Се трага по 16-годишно девојче во реката Вардар
-
Обвинетиот за обид за убиство на Трамп повторно пред суд, бара да се брани сам
-
Донесен Законот со кој секој студент ќе добие по 250 евра за електронски уред
-
Црна Гора се бори со пожари на неколку фронта, високи температури го отежнуваат гаснењето
-
Мртво деветмесечно бебе од село Сливник Велешко донесено во болница
-
Таеквондо натпреварувач од Грузија колабираше во пеколот во фискултурната сала