Зеленски: Покажавме дека Русија може да биде запрена, но ни требаат повеќе системи за противвоздушна одбрана
Претседателот на Украина, Володимир Зеленски денеска изјави дека неговата земја му покажала на светот дека руската армија може да биде запрена.
Тој денеска во Вилнус ја започна посетата на балтичките земји за да побара дополнителна помош на Украина за војната со посилната и подобро снабдена руска армија.
Зеленски рече дека Украина треба да ја зајакне својата противвоздушна одбрана и да ги надополни резервите на муниција бидејќи нападите од долг дострел стануваат главна карактеристика на борбите оваа зима.
„Докажавме дека Русија може да биде запрена“, рече тој по разговорот со литванскиот претседател Гитанас Науседа.
Залихите на Украина беа значително потрошени за одбраната, откако Москва ги засили своите напади на 29 декември. Според Киев, до 2 јануари Украина била нападната со повеќе од 500 дронови и проектили.
„Нам ни се многу потребни современи системи за противвоздушна одбрана“, рече Зеленски, истакнувајќи дека тоа е најпотребно во моментов.
Сепак, тој додаде дека залихите се мали дури и во земјите што можат да ги обезбедат, а има многу безбедносни предизвици во светот.
Украина се надева дека ќе го забрза развојот на домашната наменска индустрија и ќе работи со странските сојузници за да го забрза производството на оружје и муниција.
Ново на Сител
-
Албанија: Потврдена пресудата за Фреди Белери, со тоа го губи градоначалничкиот мандат
-
Украина се надева дека ќе биде подготвена за влез во ЕУ до 2030 година
-
Курти со честитка до Мицкоски: Не сме само соседи, туку и сојузници и блиски партнери
-
Скопјанец осомничен за тешка кражба на дрзок начин
-
Жител на Пробиштип неовластено подигнал туѓи средства од банкомат
-
Кривична пријава против двајца жители на Кочани кои копале злато во делчевско
-
Отворена истрага за тешка телесна повреда со смртни последици во затворот Идризово
-
Чибишев нов директор на Токсикологија, Меџити на Неврологија, утре нов директор ќе има и Онкологија