Заврши жетвата на јачмен во Кумановско
Заврши жетвата на јачмен во општините Куманово, Липково и Старо Нагоричане. Годинава жетвата почна порано во однос на лани, поради високите температури, информира подрачната единица на Министерството за земјоделство, шумарство и водостопанство.
- Жетвата на пченицата привршува и досега ожнеани се 85 отсто од насеаните површини, изјави Бранкица Димковиќ од подрачната единица на МЗШВ.
Таа истакна дека приносите на јачменот и на пченицата кај семејните стопанства се послаби во однос на минатата година.
- Приносите се движат од 1.500 до 2.000 килограми и на двете култури, што се должи на лошите временски прилики. Кај претпријатијата приносите се поголеми во однос на индивидуалните земјоделци, но и таму се послаби во однос на лани, истакна Димковиќ.
Пченицата годинава се сеела на површина од 12.820 хектари, од кои најголем дел сееле индивидуалните земјоделци на 10.820, а претпријатијата на површина од 2.000 хектари. Јачменот бил засеан на 8.713, од кои на 1.000 хектари сееле претпријатијата, а производителите на 7.713.
Земјоделците од трите општини сееле и целосно ја завршиле жетвата на рж на површина од 347 хектари, како и на овесот кој годинава се сеел на површина од 901 хектар.
Ново на Сител
-
Израелската војска ги повика Палестинците да се евакуираат од неколку населби на градот Газа
-
Перински: Јавниот повик за општините веднаш по ребалансот на Буџетот, на располагање ќе ги имаат првите 100 милиони евра
-
Оливер Зафировски назначен за директор на Клиниката за пулмологија и алергологија во Скопје
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО
-
Три жени повредени во сообраќајка кај „Мавровка" | ФОТО
-
Хрватска повлекува морска сол од пазарот поради присуството на пластика
-
УХМР со предупредуваање: Следува период на многу топло време