Заврши сеидбата на оризот
Земјоделците од регионот на Источна Македонија ја завршија сеидбата на оризовата култура во општиималниот временски период. Насеани се вкупно 2.500 хектари под ориз, помалку за половина од планираните површини пред стартот на сеидбата. До рестрикција на површините дојде поради сушниот период од годината и немањето доволни количини акомулирана вода во акумулацијата „Калиманци“ за планирање на површини за сеидба од 5.100 хектари.
- На рестрикција на површините се определивме навреме за да не дојдеме во ситуација насеаните површини под ориз во текот на вегетацијата да не можеме да ги наводнувме. Тоа ќе значи пораз на оризопроизводството во регионот, но и наш неуспех. Вака навреме ја согледавме состојбата со акомулираните количини вода и годишниот план за сеидба го намаливме речиси за половина, истакнува Николчо Гоцев, директор на Водостопанство „Брегалница“ од Кочани.
Според Гоцев, сеидбата на оризовата култура заклучно со вчерашниот ден целосно е завршена на површина од 2.500 хектари во атарите на Кочанско, Виничко, Штипско и Свети Николско, за што се искористени проточните води од реките Кочанска, Оризарска, Зрновска, Злетовска и Брегалница, а на почетокот на месецот и водите од левиот и десен магистрален канал од Хидросистемот „Брегалница“.
Директорот Гоцев информираше и за појавата на несовесни земјоделци нивните веќе одбиени за сеидба на ориз да ги полнат со вода копајќи канали и зафаќајки ја водата незаконски од Кочанска и Оризарска река. Ваквата појава е регистрирана од нивна страна и известени надлежните републички органи.
За површините посеани со ориз кои не се планирани за наводнување со Годишниот план за наводнување во 2017 година (изменет) водостопанските инспектори се излезени на терен за извршување на инспекцискиот надзор за користење на водите, и за сите утврдени прекршоци сторителите ќе бидат санкционирани, согласно одредбите од Законот за водостопанство, наведува Гоцев.
Популарно од Македонија
Ново на Сител
-
Трамп: Иран е принуден да попушти под притисокот на американските и израелските напади
-
Мицкоски: Нафта има, граѓаните треба да бидат спокојни, Владата веднаш ќе интервенира ако има драматичен скок на цената
-
Мицкоски: Нема силна економија без силни универзитети, нема модерна држава без образовани и мотивирани млади луѓе
-
На Меѓународниот аеродром Скопје откриени непријавени 150 илјади британски фунти
-
Седум години Ивана била тепана, малтретирана и навредувана од Стојанче, на денот на самоубиството се заканил дека ќе ја убие
-
Ѓорѓиевски: Околу три милиони евра ќе предвиди Градот Скопје во првата фаза за изградба на монтажни паркинзи, приоритет ќе имаат двата паркинга на Клинички
-
Експлозии и сирени за воздушна тревога во Ерусалим
-
Посебен режим на сообраќај во Скопје утре поради протестен марш по повод меѓународниот ден на жената
