Засадени дрвца во Паркот на книгата на „Матица ексклузив“
Во рамките на акцијата „Ден на дрвото-Засади успех“ денеска беа засадени дрвца во Паркот на книгата на „Матица ексклузив“.
Како што соопшти Граѓанско здружение „Ден на дрвото-Засади ја својата иднина!“, писателите за деца и млади Стојан Тарапуза и Фејзи Бојку во оваа пригода читаа свои стихови пред учениците и наставниците од Основното училиште „Блаже Конески“ од Прилеп.
Заедно со писателите Трапуза и Бојку дрвца засадија и нивните колеги Раде Силјан, Паскал Гилески, Иван Чапоски, Блаже Минески, професор д-р Кристина Николовска и поранешниот претседател на Собранието на РМ, Стојан Андов.
На поетското читање, пред самиот чин на засадување на дрвцата, се претставија и децата-поети од училиштето од Прилеп, а Фејзи Бојку освен на македонски, прочита и свои стихови на албански јазик.
Акцијата, како што се додава во соопштението, успешно се одвива во повеќе основни и средни училишта, детски градинки и домови на култура во Скопје и други градови.
Засадувањето дрвца во Паркот на книгата „Матица ексклузив“ беше предвесник на главната акција, која по 16 пат (осма година по ред), ќе се случи во среда, на 2 декември, со масовно засадување на садници низ цела Македонија. Мотото на оваа акција е „Засади успех“.
Ново на Сител
-
За Филипче заемот од 6 милјарди евра е непатриотски, за Мицкоски - Трансформационен за иднината на државата
-
Таравари го отвори пратеничкиот трансфер пазар
-
Партиите се подготвуваат за локалните избори, Мицкоски и Филипче убедени во победа
-
Вандализиран меморијалот за жртвите во Пулс
-
18 повредени од трагедијата се уште на болничко лекување - По 43 години, најави за реновирање на кочанската болница
-
Со електронски алки за следење ќе се намалува бројот на затвореници
-
Муртезани: Очекувам да расте бројот на пратеници
-
Мицкоски: Жалам за одлуката на Таравари